Festa do Nadal 2016... co Apalpador!

Como cada curso, haberá Festa do Nadal da Galiña Azul de Bueu. Celebrarémola o xoves 22 de decembro, no ximnasio do IES Johán Carballeira, a partir das 17.00h.

Buscamos pasar un bo rato con toda a comunidade educativa da escola: os profes, os nenos e os pais. Tomarmos algo xuntos, nunha merenda colaborativa, acompañalo de música e xa que estamos... ter algunha que outra cousiña especial.

Con tal fin, virán un ano máis cantarnos os seus cantos de Nadal as pandeireteiras As Rabudiñas, de Retrouso. Os prfes contarán algúns contos, teremos un tocador preparado para pintar aos nenos e como gran sorpresa e novidade... hanos visitar o Apalpador!

Graciñas a Luís Davila por pasarnos o seu estupendo deseño!

Un Pichirilo de verdade para A Galiña Azul de Bueu

Para poñer en valor a canción que dá nome á ANPA Pichirilo, e reforzar nos nenos o coñecemento do cabalo Pichirilo e tamén a fermosa versión que del fixo Mark Taeger, lanzámonos, coa inestimable colaboración de María José Guntín, Roberto Castiñeira e o propio Mark Taeger, a facer unha versión física do noso logo.

Está xa instalada na entrada da escola. Dá ghusto velo!

Nova iniciativa: recollida de tapóns solidarios para Álex

Álex é un neno con parálise cerebral que precisa de moitas terapias para poder camiñar. Desde a ANPA Pichirilo queremos contribuír co noso gran de area a esta causa recollendo tapóns de plástico para que os seus papás poidan pagar os seus tratamentos.

Con esta labor podemos comezar a intaurar nos nosos nenos valores de solidariedade, humanidade, protección do medio natural e moitos outros máis.

Pero esta non vai ser unha campaña de recollida habitual. A ANPA proponvos un xogo:

1. Habilitarase unha CAIXA na escola para a recollida dos tapóns.

2. Deberedes deixar os tapóns que recollades nunha bolsiña de plástico co nome d@ nen@

3. O primeiro mércores de cada mes, procederase a facer un reconto do peso das bolsas aportadas por cada neno.

4. Ao neno que máis tapóns entregase, faráselle entrega dun AGASALLO por parte da ANPA.

5. Ademais, porase un cartel no taboleiro do cole indicando quen é o TAPONEIRO do mes!!

6. Os tapóns podedes deixalos o día que queirades

Agardamos a vosa colaboración e participación!

Recolida solidaria de tapóns: instruccións de Rubén Bastón Meira

Nova directiva da ANPA Pichirilo 2016-2017

Leva esta blog un tempiño parado, non? Non é sinxelo chegar a todo. Informámosvos da renovación da directiva da ANPA Pichirilo, que queda composta polos seguintes pais:

Presidenta	Amalia	Barreiro Regueira
Vicepresidenta	María Esperanza	Juncal Dopazo
Tesoureira	María José	Guntín Muñoz
Secretario	Rubén	Bastón Meira
Vogal 1	Roberto	Castiñeira Lavadores
Vogal 2	Delia	Rodríguez López
Vogal 3	Vanesa	Coya Riobó
Vogal 4	Alexandra	Rial Piñeiro
Vogal 5	Noemi	Iglesias Piñeiro
Vogal 6	Manuel	Cereijo Pazos
Vogal 7	Cecilia	Pouseu Currás
Vogal 8	Yolanda	Vilavedra
Vogal 9	Mariña	Loira Ave
Vogal 10	Mark	Taeger

Unha boa tropa! Esperamos poder facer cousas bonitas este curso 2016-2017 na Galiña Azul de Bueu :).