O papá e a mamá de Eloy, nos deleitaron con xogos e canción, aquí tendes os textos. E agora a CANTAR e a XOGAR!!!
CANTARES TRADICIONAIS E
XOGOS
- NUN CAFÉ RIFARON UN GATO: Nun círculo póñense todos os nenos, o que lle vai tocando vai ao medio e repite o cantar:
Nun café rifaron un gato
Un, dous, tres, catro
Un, dous, tres,
O número catro ti es.
- PAN QUEIXO AUGA E VIÑO: Xogo de corda. Cada vez que se di "touciño" teñen que saltar, cada vez máis rápido.
Pan, queixo, auga e viño
Touciño
Touciño
Touciño.
- RABO DE BOI, RABO DE BESTA: Unha persoa garda un obxecto pequeno nunha das mans e ofrécelle ao neno as dúas mans pechadas boca abaixo. O neno debe ir sinalándoas alternativamente segundo canta a canción. Cando remate abre a man sinalada e leva o premio (ou non).
Rabo de boi, rabo de besta
Dixo meu pai
Que estaba nesta.
- SEI AMASAR, SEI PENEIRAR: Dúas persoas, a ser posible de estatura semellante, póñense a una fronte a outra, e collidas polas mans abanean os brazos. No último verso dan a volta aos seus corpos sen soltar as mans.
Sei amasar
Sei peneirar
Sei dar a volta
Por riba do mar.
- SAN XOÁN TIRABA LA: Todos sentados formando un círculo, pásase un obxecto coa man dereita e cóllese o que se recibe do compañeiro do lado coa esquerda. Cando o cantar chega a "triqui triqui tra" cámbiase a orientación. Cada vez hai que facelo máis rápido.
San Xoán tiraba la
San Xoán tiraba la
San Pedro me leve o demo
San Pedro me leve o demo
E triqui triqui tra
E triqui triqui tra.
Moitas grazas a Diego e a Carmen por facernos recordar, cantar e xogar.
